| Quotation |
Nam secundum saeculi huius dignitatem ex nobili Francorum prosapia claram duxit originem, quam nobiliorem operum splendidorum reddidit exemplis. (...) Defuncto vero Geroaldo, Trasarius hoc adeptus est coenobium, ac non post multum temporis praefatus domnus Ansigisus Flaviacum coenobium, quo sanctus Germarus corpore requiescit, quod est situm in pago Belloacensi, a domno rege Karolo in precarium accepit, anno videlicet incarnationis domini Christi 807, qui erat annus Magni Karoli ex quo rex Francorum constitutus est 38, ex quo vero imperator et augustus appellatus est annus 7. (...) Quo anno Stephanus papa tertio mense postquam Romam remeaverat reversus de Francis, 8 . Kal. Febr. vitae decessit; in cuius sede Paschalis successor efficitur. (...) Nam, ut vere fateor, non inferius Franciae seu Galliae monasteriis istud in omni religione comparabatur coenobium. (...) Gesta Francorum codex unus. |
