Quotation |
Et in illa uinea quae ex populo Israhel carneo fuit - cui improperat Deus per Hieremiam prophetam, dicens: Ego te plantaui uineam ueram fructiferam.
Quomodo conuersa es in amaritudinem uitis alienae? - desecatis infructuosis sarmentis - de qua minatur per Esaiam: Derelinquam uineam meam, et non putabitur neque fodietur - insertus est in eius radicem, id est in fidem patriarcharum uel prophetarum, nouellus palmes, populus gentium dilectus a Deo, qui ex aqua baptismatis, deposito ueteri homine, nouellatus, Christum indutus, Christi membra
effectus, iustitiae et sanctitatis operum apostolica doctrina putatus, profert botros. |