| Quotation |
quid est: fortes esse noluerunt? de se praesumere timuerunt; iustitiam suam non constituerunt, ut
iustitiae dei subicerentur. denique quando dixit dominus hoc: multi ab oriente et occidente uenient et recumbent cum abraham
et isaac et iacob in regno caelorum, filii autem regni, id est iudaei ignorantes iustitiam dei et suam
uolentes statuere, ibunt in tenebras exteriores; recordamini fidem illam centurionis unius ex populo
gentium, ita in se infirmi, ita non fortis ut diceret: non sum dignus ut sub tectum meum intres.
non erat dignus qui christum domo reciperet, et iam corde receperat. |
