Quotation |
IBI ERIT FLETUS ET STRIDOR DENTIUM. In fletu oculorum et dentium stridore carnis et ossuum resurrectio designatur, et uera haec cruciabuntur paena, non imaginaria et quasi per somnium.
Iste centurio primitiuum populum gentium designat, crediturum in deum et filios Abrahae futuros
per fidem et locum Israhelitarum adepturum in regno dei, seruus uero, pro quo deprecatur, illius
populi partem designat, qui tarde conuertentur ad deum, et quasi serui esse dicuntur, qui diutius in
seruitio demorantur quia similes fiunt qui faciunt et qui confidunt in eis et qui facit peccatum seruus
est peccati. |