| Quotation |
Denique licet ad mundum istum ubi habitatio gentium erat dominus descenderat, a uitiis tamen uel a peccatis mundi prorsus alienus repertus est.
Et licet ad dandam salutem gentium in hunc mundum uenisset, non tamen in templis idolorum sed in
templo dei quod pro tempore aedificatum hierosolymis fuerat, dominus praecepta uitae populo
gentium profutura tradebat.
Et ideo dicitur a centurione: non sum dignus ut intres sub tectum meum, ut pollutam gentium
habitationem indignam adhuc dei filio demonstraret. |
