| Quotation |
Vt autem profectius iocunderis, uide quam pulcre, quam decenter diuinitus procuratum est ut pastores in Iudea per angelum moniti, et magi in Caldea per stellam moti ad Christum uenirent adorandum, ut ipse Christus hinc primitias gentium, inde Iudeorum tanquam duos parietes in se ipso
angulari lapide tunc coniungere inciperet, ut ex illis duobus una ecclesia construeretur. Tunc cepit impleri prophetia illa: Populus gentium qui ambulabat in tenebris uidit lucem magnam,
habitantibus in regione umbre mortis lux orta est eis. |
