| Quotation |
Transalpini itaque, quos prediximus diremptos a Francis, Rainaldo quodam sibi duce creato, eam quae dicitur Romania provinciam intraverunt et quatuor dierum itinere Nichomediam pretergressi
inter eundum castrum offendere quoddam, quod auctori placito nomine vocatur Exorogorgum, quod
habitatorum quidem suorum omnium vacuatum presidio sine mora turbae patuit influenti: incolae autem profugerant, supervenientium timore extrusi, et dum de sua ipsorum salute desperant, de substantiarum suarum copiis, quae plurimae erant, transponendis omnino non curant, unde multam victualium opulentiam ibidem repperientes ad plenum fuere refecti. |
