| Quotation |
At si vestrae prudentiae fore credatur idoneum, detur michi facultas in Romaniae partes eundi, et
faciam istuc frumentum, vinum, hordeum, carnem, farinam caseum que et cetera diversis usibus
commoda cum plurima ac frequenti classe deduci ac indesinentem quorumque venalium per maria
commeatum, imperatorio passim preeunte edicto, procurabo institui; equorum et siquae sunt aliae
animalium atque vectigalium utilitates omnis vobis per terram Grecorum provincia deportabit:
imperator ipse, quem vestra latuit hucusque penuria, ad deferenda indigentiae tantae subsidia
summopere, ubi compererit, properabit. |
