| Quotation |
Qui cum in dominica militia fidelissime et irretractabiliter se ageret, inter cetera suae sagacitatis fideique potentis insignia illud preclarum et omnibus amantissimum litteratis exhibuit, quod cuncta, quae
in obsidione Niceae et quae Romaniam Armeniamque peragrando, quae denique Antiochiam aggrediendo, capiendo, captam defensando nostri egere, qualiter per idem tempus contra Galapiae regem, contra Damascenum, Iherosolimitanum quoque, quem et 'adulterum' vocitat, conflixere, ad Manassem Remorum archiepiscopum, piae memoriae virum qui ante hoc decessit ferme biennium, semel ac secundo directis apicibus clarissime patefecit. |
