| Quotation |
Post miserandorum vero et inexplicabilium malorum narrationem idem episcopus subiunxit de perfidia Grecorum, de confederatione scilicet imperatoris Ysachii cum Saladino, de predicatione patriarche, quomodo Grecis iniunxerat in remissionem peccatorum peregrinos occidere et delere de terra, preterea de machinationibus fraudum, quomodo in transitu maris quod dicitur brachium sancti
Georgii, Greci terrestri et navali prelio peregrinorum delere exercitum intendebant, qui eciam idcirco in Grecia moram nostrorum in hiemis asperitatem protraxerant, quia tunc illos transituros sperabant, ut sic, qui per eos bello domari non poterant, in Romania utpote terra frigida et sterili tabescentes fame et frigore deperirent. |
