| Quotation |
Praecipimus de his fratribus qui in nostris et Romaniae finibus paternam seu maternam succedunt
hereditatem, si contigerit, quod unus eorum aecclesiasticae militiae sit mancipatus, et idcirco is qui
seculariter militare debuerat, ut se a defensione regni nostri subtrahat, in nostris finibus partem
substantiae in portionem suscipere dissimulaverit, idcirco ut neque a comite distringi valeat:
ubicumque comes suus eum invenerit, licentiam distringendi ei concedimus, ita ut primum
fideiussorem donet, ut ad placitum suum veniat et bannum nostrum componat. Si vero fideiussorem
non invenerit, tamdiu per comitem sub custodia teneatur, quousque aut fideiussorem inveniat aut
bannum nostrum solutum habeat. |
