Quotation |
Imperator autem Lotharius Guibaldi postulationibus annuens presente Peregrino patriarcha
Aquilegensi cum archiepiscopis, episcopis, abbatibus et aliis magnatibus Romani imperii manum Petri diaconi apprehendens et Guibaldo contradens dixit: "Nostri a Deo conservandi imperii magestas hunc, quem videtis, discipulum Henrici Ratisponensis episcopi et cancellarii effecit, logothete, exceptoris et auditoris officio remuneravit, sessionem ad dextrum pedem indulsit. Hic solus in gente Romana inventus est, qui contra Constantinopolitanos pro imperio se et pontificio Romano opponeret. |