| Quotation |
Quod ergo a Nino, ut in superiore libro diximus, gentium scriptores suas inchoasse historias, qui
primus rex fuisse Assyriorum fertur, ob hoc nequaquam datur intellegi reges ante eum non fuisse, ut quibusdam placuit, sed quia ipse 'cupiditate' regnandi allectus externa primus demoliuit regna.
Refert enim 'Iustinus' de eo, 'qui Trogum Pompeium' est 'secutus,' in hunc modum: 'Principio rerum
gentium nationumque imperium penes reges erat quos ad fastigium huius maiestatis, non ambitio
popularis, sed' expectata in 'bonos moderatio prouehebat. Populi nullis legibus tenebantur; fines imperii tueri magis quam proferre mos erat; intra suam cuique patriam' regnum finiebatur. |
