| Quotation |
Et quando divina vocatione huius sacratissimae sedis pontifex de hoc mundo migraverit, nullus ex regno nostro, aut Francus aut Longobardus aut de qualibet gente homo sub nostra potestate
constitutus, licentiam habeat contra Romanos aut publice aut private veniendi vel electionem
faciendi; nullusque in civitatibus vel territoriis ad ecclesiae beati Petri apostoli potestatem
pertinentibus aliquod malum propter hoc facere presumat.
Sed liceat Romanis cum omni veneratione et sine qualibet perturbatione honorificam suo
pontifici exibere sepulturam, et eum quem divina inspiratione et beati Petri intercessione omnes Romani uno consilio atque concordia sine aliqua promissione ad pontificatus ordinem elegerint sine qualibet ambiguitate vel contradictione more canonico consecrari.
Et dum consecratus fuerit, legati ad nos vel ad successores nostros reges Francorum dirigantur, qui
inter nos et illos amicitiam et caritatem ac pacem socient, sicut temporibus pie recordationis domni
Karoli attavi nostri, seu domni Pipini avi nostri vel etiam domni Karoli imperatoris genitoris nostri
consuetudo erat faciendi. |
