| Quotation |
res Romana dei est, terrenis non eget armis. / iure pio vivit: bellum non ingerit ultro, / suscipit inlatum. vel si servire negabunt / ingratae gentes, primum tamen admonet hostes / more gubernandi. monitus qui suscipit istos, / vivit et a nobis meritos expectat honores.
quisquis amat pacem, tutus sub pace manebit: / et qui bella volunt, bellorum clade peribunt.
gens quaecumque ausa est Romana lacessere signa, / horruit extinctas inopino fulmine turmas, /
innumeros cecidisse suos, regesque superbos / vidit sub nostris humiles fractosque triumphis. |
