| Quotation |
virtutem indomitam mista bonitate refovi. / saepe minas addens, Romanos parcere dixi, / sed tamen et gentes semper fregisse superbas / funditus et validos bello pressisse tyrannos, /
enumerans, quos Roma potens postque ipse subegit / noster ab extremo temptantes proelia mundo /
princeps. asserui bellum, pacemque recurrens / edocui, tandemque silens responsa petivi.
illi inter sese fracto sermone furentes / latratus varios, stridentibus horrida linguis / verba ferunt
seseque novo terrore revincunt, / monte lupi medio veluti, cum nubila latis / incumbunt terris,
ululatibus ara crebris / pulsant perque cavas resonant latratibus umbras.
ut requies facta est animis, tunc ille superbus / talia verba mihi dictis respondit acerbis. |
