| Quotation |
Ammonis his dictis gentes Bellona cogit / innumeras vestros iterum remeare per agros, / ipse
quidem ductor tecum committere pugnam / iam voluit. vertens animos Guenfeius hostis / distulit
arma viri mentemque a Marte reflexit, / consilio sed valde gravi. tu quippe fugaces / quos populos
nunc rere, magis non terror acerbus / hos agitat victosve pavent. ut vestra fatiget / castra fames, finxere
fugam, vobisque labores / arte parant. gentes nostras ne crede fugaces, / si veniat princeps totumque exhauriat orbem / secum ad bella movens. nec Maximianus apertas / bis potuit conferre manus, cum sceptra teneret / Romani princeps populi, victorque per omnes / Poenorum gentes bellis transiret acerbis. |
