| Quotation |
Tunc 'Alexander rex Epirotarum, Alexandri illius Magni auunculus, traiectis in Italiam copiis cum bellum aduersus Romanos pararet et circa finitimas Romae urbes firmare uires exercitus sui
auxiliaque uel sibi adquirere uel hostibus subtrahere studens bellis exerceretur, a Samnitibus, qui
Lucanae genti suffragabantur, maximo bello in Lucania uictus atque occisus est'. Hunc alii ferunt esse Pyrrum, qui a Tarentinis euocatus ut auxilia eis praeberet aduersus Romanorum arma.
'Tarentus' uero, 'Lacedemoniorum opus, Calabriae quondam et Apuliae totiusque Lucaniae caput,'
diuitiis, 'magnitudine, muris, portu,' ipso que 'situ' mirabilis. |
