| Quotation |
Itaque cum ob metum hostium certatim populi undique se recipissent in urbe et meatus portarum forte obturassent serratu et super omnia stabilissint in ordine propugnacula, iussit uir domini uniuersos ingredi in ecclesia, cunctorum insimul postulans indulgentiam, ut si quempiam illorum, ut adsolet, dum pro zelo rectitudinis increpasset aut in uerbo ledisset, ei indulgentiam darent. (...) Post haec nec diu uallatur ciuitas ab exercitu, eodem que die ab utraque populo fuit fortiter usque ad uespera demicata. Sed cum ab agmen hostium esset ciuitas obsidione ualida circumdata et die noctu que uociferantes ut canes circuirent urbem, respiciens uir domini ciuitatis inminere periculum, conpescuit omne supermurale conflictum et his uerbis suum exortare adgressus est populum: sinite, queso, contra hos pugnandum confligere. |
