| Quotation |
Sub divi memorie Hilderici regis, qui Germanie gerebat principatum (nota editoris: Arverna urbs ad Austrasiam pertinebat), cum Arvernorum ecclesia poene sacerdotali esser culmine distituta et Genesius eo tempore vir industrie et generositatem pollens opibusque opulentus in prefatam urbem municipatum optineret, (...) Cum opinio de adepto sacerdotio catervatim, ut in talibus rebus fieri adsolet, rimaretur et alius alio preferre niteretur atque inter se disceptarent, sed cum pars maxima prefatum Genesium ad pontificali culmine sublimare summo adnisu regalibus edictis disposuissent, ille metu perculsus, ne contra decreta canonum ageret, indignum se sacerdotium fore asserens, concionaretur: at cives in electionem Preiecti verba deprompserunt, qui illis diebus offitium sacerdocii ordinis in prefata urbe gerebat. Quod cum ad aures vulgi hoc pervenisset consensum, vox omnium clericorum et laicorum virorum una efficitur, Preiectum dignum fore sacerdotium. Quid plura? Auctore Domino ordinatur episcopus. (...) Habebat enim tunc temporis sotium sacre religionis sagacissimum perspicueque sanctitatis virum Euodium, qui multos Arvernorum vicinarumque urbium populos, antiqui anguis inretitos avenis, ad sancte ecclesie catholice gremium per poenitentie salubri antidotum revocavit. |
