| Quotation |
A11. Primus rex de Romanis, ostendit unitatem regni Romanorum, et quartus tetrarcha
super Iudaeos, ostendit diuisionem regni Iudaeorum, "Factum est uerbum Domini super Ioannem,
uade et praedica baptismum: Uallis implebitur", id est, Iudaei et gentes:"montes et colles
humiliabuntur", id est, qui se humiliat exaltat: "et erunt praua in directa", id est, qui fuit luxuriosus, sit
castus: "et aspera in uias planas", id est, qui superbus sit humilis.
B05. "Uidebit omnis caro salutare Dei", id est, Iudaei et gentes, uiri et mulieres.
B07. "Uenit ad Nazareth, in qua nutritus est", ostendit, Ecclesiam in qua nutritus sit, homo non
obliuiscatur; "et surrexit legere", hic ostendit, si id iuniori reuelatum fuerit, "senior taceat", id est,
Euangelista et Pentateuchum: surgit et Petrus in medio discipulorum: "stetit", ostendit quod non
reddendum, praedicandum est; "propter quod unxit me", id est, non oleum commune, sed spiritale:
"euangelizare pauperibus", id est, ut beati pauperes spiritu, "et captiuis redemptionem", id est, Iudaeis
de Pharaone, et gentibus de diabolo: "caecis uisum", id est, Iudaeis et gentibus: "dimittere
confractos", id est, Iudaeos, lutum fabricando, et gentes idolis supplicando. |
