| Quotation |
Scribit ergo nunc ad Romanos, qui ex Judaeis et gentibus credentes, superflua
contentione volebant se alterutrum superponere.
Dicebant enim Judaei: Nos sumus gens sancta, quos ab initio Deus dilexit et fovit; nos ex genere
Abrahae, stirpe sancta, descendimus; nos de Aegyptio liberati, mare siccis pedibus transivimus;
propter nos Pharao cum exercitu suo mersus interiit; nobis manna pluit Dominus in deserto, et
caetera, quae enumerare perlongum est.
Solum hoc dicimus, quod ipse Dominus, in quo et vos videmini credere, nobis ex lege fuerit
repromissus: vos autem, qui estis gentes ab initio derelictae, qui nunquam Dei noti iam
habuistis, sed semper daemoniis deservistis, aequum ne est ut hodie ab idolis vos convertentes, nobis
comparemini, et non potius proselyti sitis, sicut semper fuistis in lege? |
