| Quotation |
Primo namque de se ipso loquitur, secundo Euangelium Dei non parua laude extollit, tertio
mediatorem Dei et hominum secundum utramque diuinitatis et humanitatis substantiam magnis
laudum praeconiis praedicat, quarto apostolici gregis electionem demonstrat, quinto generalem
gentium ad fidem Christi uocationem declarat, sexto specialem Romanorum uocationem
ostendit, septimo loco gratiam et pacem, quae sunt dona septiformis spiritus, Romanae ecclesiae a Deo Patre et Domino Iesu Christo praestari desiderabiliter exoptat.
Hac diuisione praemissa nunc ad singulas ipsius prohoemii particularitates enucleandas ueniamus. |
