| Quotation |
Quoniam igitur imperatori non erat in proposito aliquibus arduis negotiis iter vivificae crucis
induciare, conmunicato consilio principum in hunc modum respondit: Soldanus iuxta amicitiam diu
cum imperio nostro habitam legatos suos ad nos misit et ad terram suam invitavit et securitatem viae
et bonum forum nobis et exercitui nostro pollicebatur; (...) et tamen in nomine domini nostri Iesu Christi Romanus imperator et
advocatus specialis Ierosolimitanae terrae hostium cuneos penetravit securus et fugato multitudinis
vestrae exercitu tradidit deus noster civitatem hanc in manum nostram.
Sed quoniam Romanus imperator, cui collaterales semper esse debent misericordia et veritas, magis
novit parcere quam ferire, hanc gratiam domnis vestris et vobis impertiri decrevimus, ut pax nostra sit
super vos, dummodo detis obsides ad arbitrium nostrum, quod in bona pace et bono foro terram
vestram exire debeamus. |
