| Quotation |
Cuius tempore Marcomannicum bellum Dei actum est providentia.
Nam cum insurrexissent in Romanos gentes barbarae innumerabili multitudine, id est Marcomanni,
Quadi, Wandali, Sarmatae, Suevi et omnis pene Germania, et in Quadorum usque fines progressus
Romanus exercitus propter aquarum penuriam gravius sitis quam hostis sustineret periculum, ad invocationem nominis Christi, quam subito milites magna fidei constantia fecerunt, tanta vis
pluviarum erupit, ut Romanos largissime refecerit et barbaros crebris fulminum ictibus territos in
fugam converterit.
Quorum terga cedentes, incruentam victoriam potenti Christi meruere auxilio. |
