| Quotation |
Ve humanae impudentiae!
Inerubida servilis et non regii animi cavillatio, Romana usa levitate, nunc usque reginam suam tuetur,
et dedecorosis amplexibus erroris et impudicitiae estibus succensa, coronae dignitatem dedecorat; et
cum olim ad exorandum Deum gentiles reges, et absque iugo leges dederint, et blasphematoribus seu
contemptoribus Dei vindictam intentaverint, hic regni Francorum propagator, christianae legis
propugnator, contraria praeceptis praedecessorum peragit, legis sanctae et Romanorum pontificum
statuta convellit; et quod peius est, eisdem patrocinantibus, si dici licet quod pudet, ignominiae suae
defendit causas, excusationes praetendit, et a quibus cogi debuerat ut resipisceret, eisdem faventibus
admonetur, ut in iniquitate perduret.
Agit hoc Romanae avariciae gurges inexplebilis, qui dum nequit expleri, novit resecanda tueri. |
