| Quotation |
cumque imperator, quid faceret, hesitaret, quippe cum barbari elevati victoria inexpugnabiles esse
viderentur, eadem provisione, qua quondam elegerat Nerva Hispanum virum Traianum, per quem
res publica reparata est, accitum et ipse nihilo minus aeque ab Hispania Theodosium, cuius ducatu
credens barbaros superari, repente siquidem eum magistrum militum esse denuntians cum expeditu
ad barbaros destinavit. itaque Theodosius
Cithicas gentes formidatasque cunctis maioribus, Alexandro quoque illi magno sicut Pompeius
Corneliusque testati sunt evitatas, at tunc extincto Romano exercitu Romanis equis armisque
structissimas hoc est Halanos Hunnos et Gothos incunctanter adgressus.
barbari vero impetum non ferentes suas acies relinquerunt et illi quidem fugiebant, hi vero fortiter
sequebantur inmensaque cedis tunc facta est barbarorum. |
