| Quotation |
Preterea infra illam estatem imperator Fredericus cum magno exercitu Lombardorum et aliarum
multarum gentium adivit Anconam obsidendam et diripiendam; et post multos dies posita obsidione
et cum imperator intentus ad pugnam viriliter staret, Rainaldus Coloniensis archiepiscopus et
Christianus Magontinus archiepiscopus, unus archicancellarius Italie et alter archicancellarius
Teotonice, cum essent ambo pariter in Romanos tamquam hostes imperii pugnaturi, quadam die
insidias Romanis posuerunt, et exeuntibus Romanis foras ad pugnam mixto bello, inter mortuos et
captos fuerunt ex Romanis ea die circa 1700.
Adepta victoria et desuper eis concessa, putantes Romam aut vi aut concordia cito fore subiugandam,
mandaverunt quidem ambo archiepiscopi litteris et missis imperatori, quibus visis et perlectis,
Ancona dimissa Urbem, id est Romam, accederet cito. |
