Quotation |
Anno dehinc proximo natale Domini Ratisponae agens, orta seditione Sigehardus comes a familia
principum, qui ministeriales dicuntur, eo quod iusticiam eorum infringere diceretur, occisus est.
Anno sequente imperatore iterum natale Domini Moguntiae celebrante, Heinricus filius eius
rebellionem contra patrem in Noricis partibus consilio Theobaldi marchionis et Berengarii comitis sub
specie religionis, eo quod pater eius a Romanis pontificibus excommunicatus esset, molitur ascitisque
sibi quibusdam ex orientali Francia, Alemannia, Baioaria principibus Saxoniam, terram et gentem
contra regnum facile animandam, ingreditur.
Ubi honorifice susceptus ac pascha Domini Quitiliniburg manens universos gentis illius primates ad
voluntatem suam inclinavit. |