| Quotation |
[De eo quod dictionem suam ita temperavit apostolus: Tantum, ut qui tenet nunc teneat, donec de
medio fiat]
Itaque et sapientibus satis dictum: tantum, ut qui tenet nunc, teneat, donec de medio fiat, et
insipientibus data occasio non est, quam nancisci potuissent, si ita manifestius dixisset: Roma, quae
nunc tenet, sive Romanum imperium, quod nunc tenet, sub se gentes teneat, donec de medio fiat sive
donec discessio fiat.
Superbia namque hominum Romam volebat esse urbem aeternam et aeternum Romanorum
imperium, ac proinde nusquam fere religiosus quis impatiens impatientius audiret blasphemiam in
deum, quam Romani principes sive milites finem Romani imperii per Christi predicari evangelium. |
