| Quotation |
Preceptum etiam erat eis ut unusquisque de tribu sua uxorem duceret, ne tribus commiscerentur
et ne transiret possessio unius tribus in possessionem alterius, quia terra per tribus diuisa erat.
Nunc autem non licet, sed de aliena gente, quod ecclesia [post Christum] constituit propter
propagationem caritatis, quod a Romanis ecclesia accepit.
Romani enim quando amicitiam cum aliis ciuitatibus facere uolebant, uxores ex eis ad
confederationem amicitie ducebant. Similiter ecclesia instituit ut non de sua sed de aliena prosapia uxorem quis ducat, quia non putauit hoc sufficere ad dilatationem caritatis; quia per uxorem quam accipit totam illam progeniem diligit. |
