| Quotation |
neque enim et apostolus paulus uitae suae transitoriae consulebat sed ecclesiae dei, quando contra
illos, qui eum occidere conspirauerant, consilium illorum tribuno ut proderetur, effecit; unde factum est, ut eum ad locum, quo fuerat perducendus, deduceret miles armatus, ne illorum pateretur insidias. romanas etiam leges inplorare minime dubitauit ciuem romanum se esse proclamans, quos tunc affligi uerberibus non licebat.
itemque ne iudaeis eum interimere cupientibus traderetur, caesaris poposcit auxilium, romani
quidem principis sed non christiani. |
