Quotation |
Qui mox ipsa die Heinricum regem et coniugem eius Agnetem imperiali benedictione sublimavit.
Peractisque missarum sollemniis, ipse domnus papa et imperator cum imperatrice, ita ut erat
coronatus, ad Lateranense palatium cum ingenti gloria proficiscuntur, cunctis civibus Romanis
mirantibus honoremque singulis quibusque pro facultate obiter impendentibus.
Completisque Romae cum summa pace aliquot diebus, imperator magnam exercitus partem patriam
redire permittens, ipse cum reliquo ad ulteriora contendit. |