| Quotation |
Ab hac luce subtracto Romano pontifice tercio Gregorio, Zacharias Grecus genere papa Urbis efficitur.
Qui in principio sui pontificatus Italie regionem invenit valde turbatam et presertim civitatem
Romanam, agentibus persecutionibus, quas Langobardorum gens Romanis inferebat, quia duci
Spoletanorum Trasemundo favebant ipsumque intra Urbis claustra tuebantur.
Quam ob rem Langobardus rex cum gente sua Romam obsedit multasque urbes, que temporibus istis dominio Urbis subiecte erant, obsessas cepit, captasque a Romano dominio abstulit. |
