| Quotation |
Desiderius autem cum nulla ratione posset pontificem inducere ad se venire, ut antefatos
Karlomanni filios inungeret, egressus a suo palatio cum magno et copioso exercitu, sine scitu
pontificis Romani versus Romam iter aggressus est, secum ducens predictos pueros una cum
prenominata matre.
Cuius adventum cum appropinquasse cognosceret presul, primo civitatem Romanam optime
munivit.
Deinde anathematis scripsit epistolam, monens illum et adiurans per omnia divina misteria, ut nullo modo fines Romanorum ingrederetur. |
