| Quotation |
anno ab urbe condita sexcentesimo vicesimo septimo Lucio Cecilio Metello et Tito Quintio Flaminio
consulibus Kartago in Africa restitui iussa bicesimo secundo demum anno, quam fuerat eversa,
deductis civium Romanorum familiis, que eam incolerent, restituta et repleta est magno ante prodigio precedente.
nam cum mensores ad limitandum Kartaginiensem agrum missi stipites terminorum indices fixos et
nocte a lupis revulsos mordicos conrososque repperissent, aliquandiu hesitatum est, utrum Romane paci expediret Kartaginem reformari. |
