| Quotation |
Milites clam Veronam ingressi dum avaritia inhiante de praeda concertant, a Gothis egredientibus de latebris cum suo dedecore civitate pelluntur.
Gothi Erario rege occiso Totilam in regnum manciparunt. qui malo Italiae mox Padum transit et ad
Faventiam Aemiliae civitatem Romanum exercitum superat, duces effugat, Caesenam et Urbinum,
Montem feretris et Petrapertusa occupat, huc illucque discurrens devastat Italiam.
Rursus in annonaria Tuscia ad Mucellos per Ruderit et Viliarid Bledamque duces suos Romanum
exercitum superat. quo proelio Bessa patricius vulneratus evadit: ceteri vero fugientes per quaqua
salvati sunt. |
