| Quotation |
unde omnium animantium avium pecudumque ac bestiarum pestis existens vitium corruptionis
ampliavit; qua pestilentia in Numidia octingenta milia hominum, circa Carthaginem vero plus quam ducenta milia perierunt, Romanorum vero militum, quae ibi ad praesidium erant, triginta milia
extincta sunt.
L. Caecilio Metello et T. Quintio Flaminio consulibus Carthago in Africa iussu senatus reparata est
quae nunc manet, annis duobus et viginti evolutis, postquam a Scipione fuerat eversa. deducti sunt
cives Romani. |
