| Quotation |
Item, de hac mediocritate ait sapiens quidam: Melior est bucella panis quam diuicie uel affluencie et
epule regum et principum.
Item, hanc commendans Seneca ait: Ciues romani simul cenaturi in honore Iouis in loco publico, cum
alii uasa aurea, alii gemmea, alii argentea, et tapecia uestesque sericas artificiosissime contextas
afferrent et in publicum sternerent, libet inter hos intueri concordiam et similitudinem 'alterius
Catonis domi forisque egregia facta Tuberonis qui ligneos lectulos, cum alii argenteos in publicum
strauit hedinasque pro stragulis et tapeciis pelles et ante ipsius Iouis cellam apposita conuiuiis fictilia
uasa. |
