| Quotation |
Quedam venefica mulier in Anglia existens cum esset defuncta et in lapideo sarcofago recondita cathenisque ferreis circumligata et a quinquaginta clericis tribus noctibus in ecclesia custodita, circa gallicinium velut viva a demonibus est educta, diruptis omnibus repagulis. Quidam nobilis adolescens civis Romanus, desponsata uxore, eadem die cum sodalibus post cibum in
campo ludens, anulum sponsalicium digito extento statue eree, que proxime stabat, imposuit.
Anulum post ludum repetens, invenit digitum statue usque ad volam curvatum, unde nec anulum eicere nec digitum frangere potuit. |
