| Quotation |
Recte utique tunc aquila dicebatur, quia unum nidum et unius generis pullus, id est solius israhel
popolum contra omnes gentes et nationes protegere dignabatur; nunc uero ideo gallinae se similem
dix[er]it, quia ex omni genere auium nemo alieni generis oua compressa et calefacta excludit, nemo
alii generis pullus suppositus aut nutrit aut sub ascellis suis seruat et pascit nisi sola galina.
Sic et nemo alius diuersarum nationum et aliigenerum gentium populus sub ascellis crucis suae et
sub plumis uirtutum suarum collegere potuit et in uitam aeternam calore spiritus animare caelestique
cibo satiare nisi xpistus dei uiui filios, qui non solum filios israel uoluit sub ascellis crucis suae
collegere, sed et omnes, ut dixi, gentes et nationes sub protectione alarum suarum redigens ab omni
iniuria et periculo defensare dignatur, sicut scriptum est: in umbra alarum tuarum sperabo, donec
transead iniquitas.
Hunc ergo genitorem, hunc defensorem et saluatorem humani generis noluit agnoscere populus israel
euangelica uoce praeconantem, quae et retro noluerat per prophetas audire. |
