| Quotation |
Sed dicitis: deus quidem id sibi et cuilibet facere poterat, sed is, cui mater sine maris semine per
Spiritum, ut asseritis, fecundanda erat, nec deus nec dei filius erat: ideo nec deus ei fecit nec ipse sibi
facere poterat. Mentimini.
Dicite michi: Ysaias postquam gentium populum, qui ambularat in tenebris, lucem vidisse magnam et
habitantibus in regione umbrae mortis lucem dixit exortam, quis est ille parvulus qui, inquit, natus est
nobis et filius datus est nobis, de quo post aliqua loquitur?
Scio vos dicturos, sicut et dixistis dum cum quibusdam vestrum super hoc verbo confligerem: qui
'filius', qui 'natus' dicitur, homo est. |
