| Keywords |
|
| ID |
3117 |
| Text |
De sancta trinitate et operibus eius (1113 - 1116) Rupert of Deutz |
| Quotation |
Item et anteriorem populum priusquam ueniret christus aliquid habuisse uitae uel iustitiae quia
profecto erat iam notus in iudaea deus et israhel magnum nomen eius posteriorem uero qui ex
gentibus est nihil bono habuisse cum seruiret daemonibus eique iuxta prophetam non populus meus
uel non plebs mea uos ueraciter diceretur.
His ita animaduersis promptum iam est intellectui quam recte nomen abraham una tantum syllaba
adauctum iacob autem in israhel nomen omnino sit permutatum quia uidelicet anterior hebraeorum
populus qui ex fide patrum iustificabatur quidem sed arcebatur tamen a paradisi ingressu uno tantum
augmento indigebat ut in christo perficeretur posterior autem gentium populus inchoationem pariter
et perfectionem uitae uel iustitiae de christi sumpsit aduentu.
Porro nomen isaac neque auctum neque commutatum immo nec ab hominibus positum sed antequam
nasceretur ore dei nominatum est quia profecto christi iustitia neque augeri umquam indiguit neque
minui potuit nec enim ex accedenti dono est sed antequam uideretur in terris ipse iustitia ipse uita
ipse deus et dei filius erat. |
| Translation |
|
| Quotation source |
Lib. 8, In Genesim VIII (p. 499, lin. 531) |
| Associated use case(s) |
|
| Comment |
|
