| Quotation |
Nunc enim in toto mundo potestas ei antiquae dominationis aufertur, et innumera illi captiuitatis uasa
rapiuntur.
Renuntiatur atrocissimo praedoni a populis omnium nationum omnium que linguarum, et nullum
iam genus hominum repperitur, quod non tyrannicis legibus reluctetur, dum per omnes fines terrae
regeneranda in christo multorum milium milia praeparantur, et adpropinquante nouae creaturae ortu,
spiritalis nequitia ab his quos possidebat extruditur.
Fremit ergo despoliati hostis impius furor, et nouum quaerit lucrum, quia ius perdit antiquum. |
