| Quotation |
"Et non solum bona, sed salutem omnibus nuntiavit, quam ipse praebuit qui dicit Sion, id est
Ecclesiae, Regnabit Deus tuus (Isa. LXII, 7)." (...)
Et item idem in eadem prophetia: "Quia sciebat illis non credentibus credituros esse populos
nationum, transit ad gentes, et dicit misisse Filium suum testem vel testimonium cunctarum
nationum, qui praecepta illius atque mandata populis nuntiaret, qui de se ipso loquitur, oportet
praedicari Evangelium istud in omni orbe, in testimonium cunctis gentibus, de quo apostolus Paulus
scribit Timotheo, Unus mediator Dei et hominum homo Christus Jesus, qui dedit se redemptionem
pro omnibus (I Tim. II, 5)." |
