| Quotation |
Porro ille cum archa domini caperetur in fugam conversus occubuit, iste capta domini cruce pariter
captus cursum huius vite glorioso certamine consummavit.
Porro ille filius perditionis Saladinus, cuius funesto et dampnato nomine invitus et dolens hanc
epistolam contamino, biennali spacio non cessaverat premiis, precibus et promissis fere universos
principes et populos nationum congregare, fuitque tanta multitudo supervenientium canum, que nec
numero claudi nec ratione humana poterat estimari.
Pro causa consimili partes occiduas patriarcha Ierosolimitanus adierat, sed quod probrosum est
dicere, adeo pauci vel nulli secuti sunt eum, quod nec numerum habuerunt. |
