| Quotation |
ET ERIT IN DIE ILLA, hoc est in illo tempore, cum praedicatio euangelii ad gentes transierit,
AVDIENT SVRDI VERBA LIBRI SIGNATI, ET DE TENEBRIS ET CALIGINE OCVLI CAECORVM
VIDEBVNT.
Gentiles, qui dei cognitionem antea non perceperant et qui in tenebris ignorantiae erant et caligine
peccatorum pressi erant, habentes oculos cordis obcaecatos, in die illa, hoc est cum conuersus fuerit
Libanus in Chermel et Chermel in saltum reputatus, intelligent uerba libri signati, hoc est uetus
testamentum et nouum, quod scribis et pharisaeis signatum fuit, et uidebunt mysteria et arcana
diuinorum eloquiorum. |
