| Quotation |
Vnde cum sacra lex per Moysen inciperet dari, sacer ille agnus, cuius sanguis in superliminaribus ac
postibus domorum aspersus, uastatorem prohibuit ingredi domos celebrantium Phasae, non iubetur a
sacerdotibus sumi, uel a populo sacerdotibus aut a sacerdotibus Deo offerri, sed ab uniuerso coetu
filiorum Israel tolli per familias et domos, iuxta numerum animarum, que sufficere possent ad esum
eius.
Nec excipiuntur quilibet indigni et inmundi, sed omnibus hoc in commune praecipitur, solis dumtaxat
alienigenis seiunctis, aduenis uero et mercennariis coniunctis. |
