| Quotation |
Ecce etenim, ut taceamus de Moyse, cui pro certo licitum erat, alienigenam et inimicum gentis suae
interficere, sicut ei Dominus postea in lege mandauit, si factum Dauid iuxta litteram adtendimus, cui
certe inlicitum erat adulterium perpetrare, uirumque mulieris cum qua incestum facinus
perpetrauerat, utique et Dei et gentis suae amicum dolo interficere, atque eam sibi in coniugium
sumere, si inquam factum illius Dauid secundum historiam adtendimus, quid umquam potest
inueniri scelestius? |
