| Quotation |
Aliter: Congregaturum se omnes gentes qui aduersa populo suo intulerunt in Valle Iosaphat Dominus
superius promisit.
Set quoniam inter ceteras gentes Palestini, Tyrii, et Sidonii tanquam uiciniores frequentius illos
uastauerunt, et semper uastatoribus illorum sociati sunt, iuxta quod scriptum est: Alienigene siue
Palestini cum habitantibus Tyrum, iccirco specialiter eos arguit dicens: Set tu Tyrus et Sidon et omnis
terminus Philistinorum, quid michi et uobis commune ut semper impugnetis me in hereditate mea?
Quid in possessione mea obtineo quod uobis iure uindicetis, ut ita michi sitis aduersarii? |
